Free Burma Info - People Power

မန္တလေးခရိုင်မှာ သံပုံးတီးလို့ တစ်ရက်ထဲ ဖမ်းခံရသူ ၃၀ ကျော်ရှိ ~~~~ ■ နေအိမ်တွေကနေ သံပုံးတီးခဲ့လို့ မန္တလေးမြို့၊ ချမ်းမြသာစည်မြို့နယ်က အမျိုးသား၊ အမျိုးသမီး ၂၀ကျော် ဖေဖော်ဝါရီလ ၄ ရက်နေ့ မနေ့ညက ဖမ်းဆီးခံခဲ့ရပြီး ဒီနေ့မနက် ချမ်းမြသာစည်မြို့နယ် တရားရုံးမှာ ရုံးထုတ်စစ်ဆေးနေပါတယ်။ "ကွမ်းယာရောင်းရင်း ထိုင်ပြီး သံပုံးတီးနေတာကို ဆွဲခေါ်ဖမ်းသွားတာပါ။ ဖမ်းခံရသူတွေက အခြေခံလူတန်းစားတွေကြီးပဲမို့ ဒီကနေ့ ဆိုင်တောက်မထွက်ရပါဘူး။ ဒီလို မတီးရဘူးလို့လည်း ရပ်ကွပ်အုပ်ချုပ်ရေးရုံးက အသိပေးထားတာ မရှိပါဘူး" လို့ အမျိုးသားဖြစ်သူ ဖမ်းခံရလို့ တရားရုံးကို လာရောက်နေတဲ့ မကြူကြူသင်း က ပြောပါတယ်။ သံပုံးတီးခဲ့တာကြောင့် မန္တလေးခရိုင်အတွင်း လူ ၃၀ ကျော် ဖမ်းဆီးထားတယ်လို့ သိရပါတယ်။

မြန်မာရှိ ဘီယာအကျိုးတူလုပ်ငန်း ဂျပန်ကုမ္ပဏီ Kirin ရပ်ဆိုင်းမည် တိုကျို၊ ဖေဖော်ဝါရီ ၅ ဂျပန်နိုင်ငံ၏ Kirin Holdings က မြန်မာနိုင်ငံအတွင်းရှိ ၎င်းတို့၏ အကျိုးတူပူးပေါင်းမှုနှစ်ခုကို ရပ်ဆိုင်းသွားမည်ဟု ထုတ်ပြန်ကြေညာခဲ့ပြီး ယခုတစ်ပတ်အစောပိုင်းကဖြစ်ပွားခဲ့သည့် တပ်မတော်အာဏာသိမ်းမှုကို လူသိရှင်ကြားပြောဆိုဝေဖန်ခဲ့သည့် ပထမဆုံးဂျပန်ကုမ္ပဏီဖြစ်လာခဲ့ကြောင်း Nikkei Asia သတင်းဌာနတွင် ဖော်ပြသည်။ “တပ်မတော်ရဲ့လုပ်ဆောင်ချက်တွေဟာ ကျွန်ုပ်တို့ရဲ့ စံနှုန်းတွေနဲ့ လူ့အခွင့်အရေးမူဝါဒတွေနဲ့ ဆန့်ကျင်နေပါတယ်” ဟု အဆိုပါ အဖျော်ယမကာကုမ္ပဏီက ဖေဖော်ဝါရီလ ၅ ရက်နေ့တွင် ထုတ်ပြန်ခဲ့သည်။ အဆိုပါဂျပန်ကုမ္ပဏီသည် မြန်မာဘီယာနှင့် မန္တလေးဘီယာတို့တွင် ရှယ်ယာအများစု ပိုင်ဆိုင်ထားပြီး မြန်မာ့တပ်မတော်အတွက် လူမှုရေးရန်ပုံငွေရှာပေးနေသည့် အဖွဲ့အစည်းဖြစ်သည့် မြန်မာ့စီးပွားရေး ဦးပိုင်လီမီတက်နှင့် Kirin တို့ ပူးတွဲပိုင်ဆိုင်ခြင်းဖြစ်သည်။ “ကျွန်ုပ်တို့မှာ ရွေးချယ်စရာ မရှိပါဘူး။ ဒါပေမဲ့ မြန်မာ့စီးပွားရေးဦးပိုင်လီမိတက်နဲ့ လက်ရှိ အကျိုးတူပူးပေါင်း ဆောင်ရွက်မှုကို ရပ်ဆိုင်းသွားမှာပါ။ ဒီရပ်ဆိုင်းမှု ထိရောက်အောင် အရေးကြီးလိုအပ်တဲ့ အဆင့်တွေကို လု...