တောင်ငူထောင်ထဲက ဇော်ရဲဝင်း
(Freed on 12th October 2011)
သားကြီး (AAPP)
ဖေဖော်ဝါရီ ၂၁၊ ၂၀၁၁
၁၉၈၈ ကျောင်းသားလှုပ်ရှားမှုတွေ စဖြစ်တော့ သူက ဒုတိယနှစ် ရန်ကုန် စက်မှုတက္ကသိုလ်ကျောင်းသား။ မဆလ တပါတီ အာဏာရှင်တွေရဲ့ ရက်စက် လိမ်ညာ ကောက်ကျစ်မှုတွေကို ကျောင်းမှာ ကိုယ်တိုင် မြင်ခဲ့ရပြီး ကျောင်းသားလှုပ်ရှားမှုတွေထဲ ရောက်လာသူပါ။(Freed on 12th October 2011)
သားကြီး (AAPP)
ဖေဖော်ဝါရီ ၂၁၊ ၂၀၁၁
စက်မှုတက္ကသိုလ် ကျောင်းသားသမဂ္ဂထဲ ပါဝင်ခဲ့ပြီး ကျောင်းသားတွေရဲ့အရေး၊ မိဘပြည်သူတွေ အရေး၊ မြန်မာပြည် ဒီမိုကရေစီ အရေးကို တက်ကြွစွာ ဆောင်ရွက်ခဲ့သူပါ။
၁၉၉၀ မတ်လမှာတော့ ကျောင်းသား ကိုဖုန်းမော်ကျဆုံးခြင်း ၂ နှစ်ပြည့် အခမ်းအနား ကျင်းပနိုင်ဘို့ စီစဉ်နေရင်း အဖမ်းအဆီး ခံရကာ စစ်ခုံရုံးက ထောင်ဒဏ် ၃ နှစ် ပေးတာ ခံခဲ့ရပါတယ်။
၁၉၉၂ နှစ်ကုန်ပိုင်းမှာ သာယာဝတီ ထောင်က ပြန်လွတ်လာတယ်။ ထောင်ထဲမှာ ကျန်နေတဲ့ ရဲဘော်တွေကို ကူညီနိုင်ဘို့ နိုင်ငံရေး အကျဉ်းသားဟောင်းတွေနဲ့ အတူတူ ဈေးရောင်းပွဲလေးတွေ လုပ်ပြီး ရံပုံငွေ ရှာကြတော့လဲ တက်တက်ကြွကြွ လုပ်ကိုင်ပါဝင်ခဲ့ပါတယ်။
အဲသည့်နောက် ကျောင်းပြန်မတက်နိုင်တော့ဘဲ မိဘတွေရဲ့ စီစဉ်မှုနဲ့ စင်္ကာပူကို နှစ်အနည်းငယ်ကြာ သွားရောက် အလုပ် လုပ်ခဲ့ပါတယ်။ မိခင်ဖြစ်သူ ကွယ်လွန်သွားခဲ့လို့ သူ မြန်မာပြည်ကို ပြန်လာချိန်မှာတော့ ၁၉၉၆ ဒီဇင်ဘာ ကျောင်းသားလှုပ်ရှားမှုနဲ့ သူ့ရဲ့ အပေါင်းအသင်းဟောင်းတွေ ထောင်ထဲကို နောက်တခေါက် ပြန်ရောက်သွားခဲ့တာကိုလဲ စိတ်မကောင်းစွာဘဲ တွေ့ကြုံခဲ့ရပါတယ်။
အဲသည့်နောက်တော့ သူငယ်ချင်း ကျောင်းသားဟောင်းများ၊ နိုင်ငံရေး အကျဉ်းသားဟောင်းများနဲ့ ၁၉၉၉ ကာလ အတွင်း ဗမာနိုင်ငံလုံးဆိုင်ရာ ကျောင်းသားသမဂ္ဂ ပြန်လည် ဖွဲ့စည်းနိုင်ဖို့ ကြိုးပမ်း ဆောင်ရွက်နေချိန်မှာ စစ်အစိုးက ဖမ်းမိသွားပြီး ထောင်ဒဏ် ၁၇ နှစ် ချခံရတယ်။ အင်းစိန်ထောင်ကနေ မိသားစုနဲ့ ပိုဝေးရာ တောင်ငူထောင်ကို ပြောင်းခံရတယ်။ သူ့ရဲ့ ဖခင်ဖြစ်သူ စာရေးဆရာ ဦးဝင်းဖေ၀င်းဟာ သူထောင်ကျနေဆဲ ကာလမှာ သားကို တ ရင်း ကွယ်လွန်သွားတယ်။
မိသားစုက စားဝတ်နေရေးကြောင့် သူ့ကို ထောင်ဝင်စာ ပုံမှန် မတွေ့နိုင်ပေမဲ့လဲ ကြမ်းတမ်း ခက်ခဲလှတဲ့ အကျဉ်းထောင်တွင်း နေထိုင်မှု ဘ၀တွေကို ကိုဇော်ရဲဝင်းဟာ ကျောင်းသားစိတ်၊ ယုံကြည်ချက်စိတ်တွေနဲ့ ယနေ့တိုင် ရဲရဲဝံ့ဝံ့ ရင်ဆိုင်ကျော်ဖြတ် နေဆဲပါ။ ကိုဇော်ရဲဝင်း အမြန်ဆုံး လွတ်မြောက်ပါစေ။
Comments