Reporter from Myitkyeenar Arrested Feb 28th 2021

မြစ်ကြီးနားအခြေစိုက် The 74 Media မှ သတင်းထောက်တစ်ဦး ဖမ်းဆီးခံရ

***************

ဖေဖော်ဝါရီလ ၂၈ ရက်နေ့ မြစ်ကြီးနားမြို့ က ပြည်လုံးကျွတ်အထွေထွေသပိတ်နေ့ ဆန္ဒထုတ်ဖော်ရာတွင်သတင်းရယူနေသည့် The 74 Media မှ သတင်းထောက် တစ်ဦး ဖမ်းဆီးခံထားရကြောင်း သိရသည်။

ယနေ့မနက်(၁၀)နာရီ အချိန်ခန့်တွင် အောင်နန်းရပ်ကွက်ရှိ ဘုရားကျောင်းအပေါ်တွင် သတင်းဗွီဒီယို ရိုက်ကူး ရယူနေစဉ် ဖမ်းဆီးခံရခြင်းဖြစ်ကြောင်း အဆိုပါ သတင်းထောက်နှင့် ဆက်သွယ်ရရှိစဉ်က သိရကြောင်း The 74 Media မှ အယ်ဒီတာချုပ် ကိုထွယ်အောင်က ပြောသည်။

"အဖမ်းခံရတာတော့ ဒီမနက် ၁၀ နာရီ ပတ်ဝန်းကျင်လောက်မှာ ဟုတ်တယ်။ သူအောင်နန်းဘုရားကျောင်းပေါ်မှာ သတင်းဗွီဒီယို ရိုက်နေတဲ့အချိန်မှာ ဖမ်းသွားတာပေါ့။ ဖမ်းတဲ့အချိန်မှာ သူ့ကို နှစ်ချက်ရိုက်တယ်လို့လည်း ကျွန်တော်တို့ ကြားပါတယ်။သူပြောပြတာက ရိုက်တယ်၊ မကြားဝံ့မနာသာတွေ ဆဲတယ်ဆိုတဲ့ဟာတွေလည်း ကျွန်တော်တို့ကြားရတယ်။ ကျွန်တော် နောက်ဆုံးအဆက်အသွယ်ရတာက သူ့ကို မြောက်ပိုင်းတိုင်းဘက်ကို ခေါ်သွားပြီလို့ ကျွန်တော်တို့ ကြားရတယ်ခင်ဗျာ။"နောက်ဆုံးအခြေအနေကတော့ သူနဲ့အဆက်အသွယ် မရတော့ဘူး အဲဒီတိုင်းဘက်ခေါ်သွားတယ်ဆိုတဲ့ အဲဒါပဲသိပြီး နနောက်ပိုင်းတော့ဘာဖြစ်နေတယ်ဆိုတာ ကျွန်တော်တို့လည်း မသိဘူး။"ဟု ကိုထွယ်အောင်က ဆိုသည်။

ဖမ်းဆီးထားခံရသည့် သတင်းထောက် ကိုပေါင်လန်းတောင် လွတ်မြောက်လာရေးအတွက် The 74 Media ဘက်မှ စေ့စပ်ညှိနှိုင်းရေးအဖွဲ့များ၊ ငြိမ်းချမ်းရေးအကျိုးဆောင်အဖွဲ့ (PCG)များ နှင့် ညှိနှိုင်းပြီး ကြိုးစားလုပ်ဆောင် လျက်ရှိကြောင်း သိရသည်။

၅ထောင်Ma Snow နှင့် အခြား ၅ထောင် ဦး

မှတ်ချက် ၁၁၅ ခု

မျှဝေသူ ၅၃၃ ဦး

ကြိုက်

မှတ်ချက်ပေးရန်

မျှဝေမယ်

--

Send email to - editors@moemaka.net  to contact and contribute with MoEmAKa

MoeMaKa on Facebook Page from here  (For Burma / Myanmar User)

MoeMaKa News & Media covering Burmese Community
PO Box 320-207, San Francisco, CA 94132-0207, USA.
http://MoeMaKa.Com - Burmese Language
http://eng.moemaka.net  - English Edition
http://MoeMaKa.Net - Audio & Video Archives